Gweld swydd wag -- Swyddog Cyflogaeth (Ysbrydoli i Weithio)

Cyfnod penodol yn y lle cyntaf hyd at 31 Gorffennaf 2022

Mae carfan Ysbrydoli i Weithio Cyngor Bwrdeistref Sirol Rhondda Cynon Taf am benodi Swyddog Cyflogaeth ymroddedig. Bydd yn gweithio gyda'r garfan i gynorthwyo pobl ifainc (16-24 oed) i ddod o hyd i swydd/ennill cymwysterau.

Rydyn ni'n chwilio am weithiwr proffesiynol profiadol sy'n deall y problemau a'r rhwystrau y mae pobl ifainc yn eu hwynebu o ran ymgysylltu â chyfleoedd cyflogaeth ac o ran parhau i ymgysylltu â nhw.

Croesawn geisiadau/ddiddordeb gan bobl sydd â phrofiad o roi cymorth cyflogaeth i bobl ifainc yn y gorffennol, ac o drafod a monitro lleoliadau gwaith a chyfleoedd cyflogaeth lle y bo modd.

Os ydych chi eisiau gwybodaeth ychwanegol am y swydd, ffoniwch Damien Owen ar 07766578106 neu e-bostiwch damien.owen@rctcbc.gov.uk.

Mae diogelu plant ac oedolion agored i niwed yn gyfrifoldeb craidd pob un o'r gweithwyr sy'n cael eu penodi gan y Cyngor.

Yn ogystal â'r cyfrifoldeb yma mewn perthynas â diogelu, bydd y Gwasanaeth Datgelu a Gwahardd hefyd yn ymchwilio'n fanwl i gefndir yr ymgeisydd llwyddiannus.

Mae'r Cyngor yn cydnabod gwerth amrywiaeth yn ei weithlu. Rydyn ni wedi ymrwymo i sicrhau nad yw unrhyw ymgeisydd yn destun gwahaniaethu yn ystod y broses denu a dethol ar sail ei oedran, rhyw, hil, anabledd, cyfeiriadedd rhywiol, hunaniaeth rhywedd, gan gynnwys y rheiny a chanddyn nhw hunaniaethau anneuaidd, crefydd neu gred, neu feichiogrwydd a mamolaeth. Mae gyda ni nifer o rwydweithiau staff gan gynnwys Rhwydwaith y Cynghreiriaid, Rhwydwaith Anabledd a Chynhalwyr, a 'Perthyn', ein rhwydwaith LHDTQ+.

Fydd ceisiadau sy'n cael eu cyflwyno yn Gymraeg ddim yn cael eu trin yn llai ffafriol na cheisiadau sy'n cael eu cyflwyno yn Saesneg.

Oherwydd y nifer sylweddol o Ffurflenni Cais sy'n cael eu cyflwyno ar hyn o bryd, does dim modd cydnabod ceisiadau unigol. Felly, os na fyddwch chi'n clywed oddi wrthon ni cyn pen pedair wythnos ar ôl y dyddiad cau, cymerwch fod eich cais wedi bod yn aflwyddiannus y tro yma. Diolch am eich diddordeb ac am gyflwyno cais am swydd gyda'r Cyngor. Mae Rhondda Cynon Taf yn croesawu ceisiadau gan bob adran o'r gymuned.