Gweld swydd wag -- Swyddog Masnachu Teg

Mae cyfle ar gael i ymuno â Charfan Safonau Bwyd ac Arolygiadau yn rhan o is-adran Safonau Masnach.

Rydyn ni'n chwilio am swyddog brwdfrydig sydd wedi profi ei fod yn gallu gweithio'n rhan o garfan ac ar ei liwt ei hun, ac sy'n rheoli ac yn blaenoriaethu ei lwyth gwaith ei hun. Bydd yr ymgeisydd llwyddiannus yn ymuno â charfan flaengar i orfodi a chynghori ar yr ystod o ddeddfwriaeth Safonau Masnach.

Byddwch yn delio ag arolygiadau, cwynion, cyngor busnes ac ymchwiliadau mewn perthynas â gweithgynhyrchwyr, cyfanwerthwyr a manwerthwyr, yn ogystal â chymryd rhan mewn gwaith arolygu a chysylltu ag asiantaethau eraill.

Mae'r swydd yn gofyn am brofiad o weithio mewn maes gorfodi Safonau Masnach, yn ogystal â gwybodaeth fanwl am ddeddfwriaeth Safonau Masnach, gan gynnwys safonau bwyd. Mae meddu ar Ddiploma mewn Materion Defnyddwyr a Safonau Masnach neu gyfwerth yn ddymunol. Os nad ydych yn meddu ar y cymhwyster yma, rhaid i chi fod yn barod i astudio i'w gyflawni.

Mae'r awdurdod yn cynnig patrwm gweithio'n hyblyg i fodloni gofynion y Gwasanaeth, a rhaid i chi fod yn barod i weithio y tu allan i oriau swyddfa arferol.

Am drafodaeth anffurfiol am y swydd, e-bostiwch Gary Lewis gary.lewis@rctcbc.gov.uk neu Judith Parry judith.parry@rctcbc.gov.uk, neu ffoniwch (01443) 425001.

Mae diogelu plant ac oedolion agored i niwed yn gyfrifoldeb craidd pob un o'r gweithwyr sy'n cael eu penodi gan y Cyngor.

Yn ogystal â'r cyfrifoldeb yma mewn perthynas â diogelu, bydd y Gwasanaeth Datgelu a Gwahardd yn ymchwilio'n fanwl i gefndir yr ymgeisydd llwyddiannus hefyd.

Mae'r Cyngor yn cydnabod gwerth amrywiaeth yn ei weithlu. Rydyn ni wedi ymrwymo i sicrhau nad yw unrhyw ymgeisydd yn destun gwahaniaethu yn ystod y broses denu a dethol ar sail ei oedran, rhyw, hil, anabledd, cyfeiriadedd rhywiol, hunaniaeth rhywedd, gan gynnwys y rheiny a chanddyn nhw hunaniaethau anneuaidd, crefydd neu gred, neu feichiogrwydd a mamolaeth. Mae gyda ni nifer o rwydweithiau staff gan gynnwys Rhwydwaith y Cynghreiriaid, Rhwydwaith Anabledd a Chynhalwyr, a 'Perthyn', ein rhwydwaith LHDTQ+.

Fydd ceisiadau sy'n cael eu cyflwyno yn Gymraeg ddim yn cael eu trin yn llai ffafriol na cheisiadau sy'n cael eu cyflwyno yn Saesneg.

Oherwydd y nifer sylweddol o Ffurflenni Cais sy'n cael eu cyflwyno ar hyn o bryd, does dim modd cydnabod ceisiadau unigol. Felly, os na fyddwch chi'n clywed oddi wrthon ni cyn pen pedair wythnos ar ôl y dyddiad cau, cymerwch fod eich cais wedi bod yn aflwyddiannus y tro yma. Diolch am eich diddordeb ac am gyflwyno cais am swydd gyda'r Cyngor. Mae Rhondda Cynon Taf yn croesawu ceisiadau gan bob adran o'r gymuned.