Gweld swydd wag -- Swyddog Cyfathrebu a Marchnata

Ydych chi am ddefnyddio'ch sgiliau i wneud gwahaniaeth gwirioneddol i fywydau plant a phobl ifainc yn eich cymuned leol? Mae cyfle cyffrous ar gael i Swyddog Marchnata Rhanbarthol ddatblygu a hyrwyddo'r strategaeth recriwtio a marchnata ar gyfer Gwasanaethau Maethu ar draws rhanbarth Cwm Taf Morgannwg.

Bydd yr ymgeisydd llwyddiannus yn cyflawni rôl allweddol ar gyfer y gwasanaeth recriwtio rhieni maeth rhanbarthol, a bydd yn gyfrifol am ddatblygu strategaethau i wella'r broses o recriwtio rhieni maeth ledled y rhanbarth.

Bydd hyn yn cynnwys paratoi, cynllunio a rheoli cyhoeddi'r holl ddeunydd mewn perthynas â maethu. Yn rhan o hyn, bydd y swyddog yn creu a datblygu ffyrdd arloesol newydd o roi gwybod i bobl ar draws y rhanbarth am fanteision dod yn rhiant maeth.

Rydyn ni'n chwilio am ymgeisydd ymroddedig, brwdfrydig a chadarnhaol sydd â'r sgiliau a'r profiad angenrheidiol i ddatblygu gwaith marchnata'r gwasanaethau maethu ledled y rhanbarth.

Mae CBSRhCT yn cynnig llawer o fuddion i staff, gan gynnwys gweithio o bell a gweithio'n hyblyg, buddion staff ychwanegol, achlysuron lles i staff a chyfleoedd dysgu a datblygu cynhwysfawr.

Os oes gyda chi ddiddordeb yn y cyfle yma ac eisiau rhagor o wybodaeth am y swydd, ffoniwch Alastair Cope, Rheolwr Datblygu Rhanbarthol y Gwasanaethau Maethu, ar (01685) 724604/ 07480115594.

Mae diogelu plant ac oedolion agored i niwed yn gyfrifoldeb craidd pob un o'r gweithwyr sy'n cael eu penodi gan y Cyngor.

Yn ogystal â'r cyfrifoldeb yma mewn perthynas â diogelu, bydd y Gwasanaeth Datgelu a Gwahardd hefyd yn ymchwilio'n fanwl i gefndir yr ymgeisydd llwyddiannus.

Mae'r Cyngor yn cydnabod gwerth amrywiaeth yn ei weithlu. Rydyn ni wedi ymrwymo i sicrhau nad yw unrhyw ymgeisydd yn destun gwahaniaethu yn ystod y broses denu a dethol ar sail ei oedran, rhyw, hil, anabledd, cyfeiriadedd rhywiol, hunaniaeth rhywedd, gan gynnwys y rheiny a chanddyn nhw hunaniaethau anneuaidd, crefydd neu gred, neu feichiogrwydd a mamolaeth. Mae gyda ni nifer o rwydweithiau staff gan gynnwys Rhwydwaith y Cynghreiriaid, Rhwydwaith Anabledd a Chynhalwyr, a 'Perthyn', ein rhwydwaith LHDTQ+.

Fydd ceisiadau sy'n cael eu cyflwyno yn Gymraeg ddim yn cael eu trin yn llai ffafriol na cheisiadau sy'n cael eu cyflwyno yn Saesneg.
Oherwydd y nifer sylweddol o Ffurflenni Cais sy'n cael eu cyflwyno ar hyn o bryd, does dim modd cydnabod ceisiadau unigol. Felly, os na fyddwch chi'n clywed oddi wrthon ni cyn pen pedair wythnos ar ôl y dyddiad cau, cymerwch fod eich cais wedi bod yn aflwyddiannus y tro yma. Diolch am eich diddordeb ac am gyflwyno cais am swydd gyda'r Cyngor. Mae Rhondda Cynon Taf yn croesawu ceisiadau gan bob adran o'r gymuned.