Gweld swydd wag -- Peiriannydd Geodechnegol

Mae'r Adran Rheoli Asedau Isadeiledd sy'n rhan o Uwchadran Gwasanaethau Priffyrdd a Gofal y Strydoedd yn dymuno penodi Peiriannydd Geodechnegol.

Bydd angen i'r ymgeisydd llwyddiannus fod â phrofiad ym maes peirianneg geodechnegol a bydd yn rhoi cyngor ac yn rheoli'r asedau geodechnegol sylweddol y mae'r Cyngor yn gyfrifol amdanyn nhw. Hefyd, bydd angen i'r ymgeisydd fod yn gyfrifol am ddatblygu, cydlynu a gweithredu'r ymchwiliadau tir y mae angen eu cynnal ar gyfer rhaglenni gwaith bach a mawr, a hynny'n bennaf yn y garfan strwythurau priffyrdd, yn ogystal â rhoi cyngor i uwchadrannau eraill yn ôl yr angen.

Dyma gyfle proffesiynol rhagorol yn y maes penodol yma o beirianneg, i fod yn arbenigwr cymorth a chyngor yn yr uwchadran. Hefyd, dyma gyfle i wneud gwahaniaeth sylweddol mewn maes gwasanaeth yr Awdurdod sy'n gynyddol bwysig a heriol.

Bydd Peiriannydd Geodechnegol profiadol yn ffynnu yn y rôl yma a fydd yn darparu cyfleoedd proffesiynol a thechnegol ymarferol. Mae buddion eraill hefyd gan gynnwys cydbwysedd da rhwng bywyd a gwaith, cyfleoedd i weithio'n hyblyg, 25 diwrnod o wyliau blynyddol a cherdyn buddion staff.

I gael rhagor o wybodaeth am y swydd, ffoniwch Ms Jacqueline Mynott, Rheolwr Asedau Isadeiledd ar (01443) 281186.

Mae diogelu plant ac oedolion agored i niwed yn gyfrifoldeb craidd pob un o'r gweithwyr sy'n cael eu penodi gan y Cyngor.

Mae'r Cyngor yn cydnabod gwerth amrywiaeth yn ei weithlu. Rydyn ni wedi ymrwymo i sicrhau nad yw unrhyw ymgeisydd yn destun gwahaniaethu yn ystod y broses denu a dethol ar sail ei oedran, rhyw, hil, anabledd, cyfeiriadedd rhywiol, hunaniaeth rhywedd, gan gynnwys y rheiny a chanddyn nhw hunaniaethau anneuaidd, crefydd neu gred, neu feichiogrwydd a mamolaeth. Mae gyda ni nifer o rwydweithiau staff gan gynnwys Rhwydwaith y Cynghreiriaid, Rhwydwaith Anabledd a Chynhalwyr, a 'Perthyn', ein rhwydwaith LHDTQ+.

Fydd ceisiadau sy'n cael eu cyflwyno yn Gymraeg ddim yn cael eu trin yn llai ffafriol na cheisiadau sy'n cael eu cyflwyno yn Saesneg.

Oherwydd y nifer sylweddol o Ffurflenni Cais sy'n cael eu cyflwyno ar hyn o bryd, does dim modd cydnabod ceisiadau unigol. Felly, os na fyddwch chi'n clywed oddi wrthon ni cyn pen pedair wythnos ar ôl y dyddiad cau, cymerwch fod eich cais wedi bod yn aflwyddiannus y tro yma. Diolch am eich diddordeb ac am gyflwyno cais am swydd gyda'r Cyngor. Mae Rhondda Cynon Taf yn croesawu ceisiadau gan bob adran o'r gymuned.