Gweld swydd wag -- Peiriannydd Strwythurol Siartredig

Mae'r Adran Reoli Asedau Seilwaith  sy'n rhan o uwchadran Gwasanaethau Priffyrdd a Gofal y Strydoedd yn dymuno recriwtio Peiriannydd Sifil neu Strwythurol Siartredig profiadol. Bydd y swydd yma'n cynnal rhaglen cynnal a chadw a gwaith parhaus ar Strwythurau Priffyrdd a Pheirianneg ledled RhCT.

Bydd angen i'r ymgeisydd llwyddiannus fod yn hyfedr o ran rheoli, dylunio, archwilio a monitro asedau strwythurau yn unol â'r Llawlyfr Dylunio Ffyrdd a Phontydd a Chodau Ymarfer perthnasol. Rhaid bod ganddo/ganddi'r gallu i roi cymorth i'r Rheolwr Asedau Seilwaith gyda chyngor technegol ar Asedau Strwythurau'r Awdurdod. Rhaid i'r ymgeisydd hefyd fod â'r gallu i arwain, rheoli, cynghori, cefnogi a rheoli'r Carfanau Strwythurau yn yr Adran Asedau Seilwaith ar y safonau a'r technegau diweddaraf yn ogystal â gwybod am unrhyw newidiadau diweddar i safonau cenedlaethol. Bydd yr ymgeisydd llwyddiannus yn gweithredu fel arweinydd ar gyfer yr Awdurdod Cymeradwyo Technegol.

Mae profiad amlwg o ddylunio, rheoli a chynnal a chadw strwythurau priffyrdd yn hanfodol.

Dyma gyfle proffesiynol rhagorol yn y maes penodol yma o beirianneg, i fod yn arbenigwr cymorth a chyngor yn yr uwchadran. Yn ogystal â hynny, dyma gyfle i wneud gwahaniaeth sylweddol mewn maes gwasanaeth yr Awdurdod sy'n gynyddol bwysig a heriol.

Bydd Peiriannydd Strwythurol profiadol yn ffynnu yn y rôl yma a fydd yn darparu cyfleoedd proffesiynol a thechnegol ymarferol. Mae buddion eraill hefyd, gan gynnwys cydbwysedd da rhwng bywyd a gwaith, cyfleoedd i weithio'n hyblyg, 25 diwrnod o wyliau blynyddol a cherdyn buddion staff.

I gael rhagor o wybodaeth am y swydd, ffoniwch Ms Jacqueline Mynott, Rheolwr Asedau Seilwaith ar (01443) 281186.

Mae diogelu plant ac oedolion agored i niwed yn gyfrifoldeb craidd pob un o'r gweithwyr sy'n cael eu penodi gan y Cyngor.

Mae'r Cyngor yn cydnabod gwerth amrywiaeth yn ei weithlu. Rydyn ni wedi ymrwymo i sicrhau nad yw unrhyw ymgeisydd yn destun gwahaniaethu yn ystod y broses denu a dethol ar sail ei oedran, rhyw, hil, anabledd, cyfeiriadedd rhywiol, hunaniaeth rhywedd, gan gynnwys y rheiny a chanddyn nhw hunaniaethau anneuaidd, crefydd neu gred, neu feichiogrwydd a mamolaeth. Mae gyda ni nifer o rwydweithiau staff gan gynnwys Rhwydwaith y Cynghreiriaid, Rhwydwaith Anabledd a Chynhalwyr, a 'Perthyn', ein rhwydwaith LHDTQ+.

Fydd ceisiadau sy'n cael eu cyflwyno yn Gymraeg ddim yn cael eu trin yn llai ffafriol na cheisiadau sy'n cael eu cyflwyno yn Saesneg.

Oherwydd y nifer sylweddol o Ffurflenni Cais sy'n cael eu cyflwyno ar hyn o bryd, does dim modd cydnabod ceisiadau unigol. Felly, os na fyddwch chi'n clywed oddi wrthon ni cyn pen pedair wythnos ar ôl y dyddiad cau, cymerwch fod eich cais wedi bod yn aflwyddiannus y tro yma. Diolch am eich diddordeb ac am gyflwyno cais am swydd gyda'r Cyngor. Mae Rhondda Cynon Taf yn croesawu ceisiadau gan bob adran o'r gymuned.