Gweld swydd wag -- CYNORTHWY-YDD BWYDYDD A CHLEFYDAU TROSGLWYDDADWY (GORFODI)
CYNORTHWY-YDD BWYDYDD A CHLEFYDAU TROSGLWYDDADWY (GORFODI)
LLAWN AMSER, DROS DRO – GRADD 9 – £29,577
Mae'r Cyngor yn bwriadu penodi Cynorthwywyr Bwydydd a Chlefydau Trosglwyddadwy dros dro, llawn amser gyda phwyslais ar orfodi i gefnogi Ymateb Rhanbarthol Bwrdd Iechyd Prifysgol Cwm Taf Morgannwg i Bandemig Covid-19 yn rhan o'r gwasanaeth Profi, Olrhain, Diogelu. Bydd gofyn i ddeiliad y swydd gyflawni dyletswyddau mewn perthynas â strategaethau gorfodi amgen a helpu i arolygu safleoedd bwyd, archwilio i achosion o wenwyn bwyd a rhoi cyngor i fusnesau a'r cyhoedd. Dyma ddull partneriaeth felly byddwch chi'n cefnogi'r gwasanaeth yma ar ran y tri awdurdod lleol sef Pen-y-bont ar Ogwr, Merthyr Tudful a Rhondda Cynon Taf.
Bydd gyda chi brofiad o ddelio â data cyfrinachol, a chynnal a chadw cofnodion mewn ffordd addas. Mae'n ddymunol bod gan ddeiliad y swydd brofiad o weithio mewn amgylchedd gorfodi a phrofiad ym maes hylendid bwyd a/neu faterion iechyd a diogelwch, ynghyd â thystysgrif hylendid bwyd ar lefel ganolradd neu lefel uwch.
Am sgwrs anffurfiol, ffoniwch Rhian Hope, Rheolwr Trwyddedu a Diogelu Iechyd, neu Joshua Jolliffe, Uwch Swyddog Iechyd yr Amgylchedd, ar (01443) 744283.
Mae diogelu plant ac oedolion agored i niwed yn gyfrifoldeb craidd pob un o'r gweithwyr sy'n cael eu penodi gan y Cyngor.
Mae'r Cyngor yn cydnabod gwerth amrywiaeth yn ei weithlu. Rydyn ni wedi ymrwymo i sicrhau nad yw unrhyw ymgeisydd yn destun gwahaniaethu yn ystod y broses denu a dethol ar sail ei oedran, rhyw, hil, anabledd, cyfeiriadedd rhywiol, hunaniaeth rhywedd, gan gynnwys y rheiny a chanddyn nhw hunaniaethau anneuaidd, crefydd neu gred, neu feichiogrwydd a mamolaeth. Mae gyda ni nifer o rwydweithiau staff gan gynnwys Rhwydwaith y Cynghreiriaid, Rhwydwaith Anabledd a Chynhalwyr, a 'Perthyn', ein rhwydwaith LHDTQ+.
Fydd ceisiadau sy'n cael eu cyflwyno yn Gymraeg ddim yn cael eu trin yn llai ffafriol na cheisiadau sy'n cael eu cyflwyno yn Saesneg.
Oherwydd y nifer sylweddol o Ffurflenni Cais sy'n cael eu cyflwyno ar hyn o bryd, does dim modd cydnabod ceisiadau unigol. Felly, os na fyddwch chi wedi clywed oddi wrthon ni cyn pen pedair wythnos ar ôl y dyddiad cau, cymerwch fod eich cais wedi bod yn aflwyddiannus y tro yma. Diolch am eich diddordeb ac am gyflwyno cais am swydd gyda'r Cyngor.
Mae Rhondda Cynon Taf yn croesawu ceisiadau gan bobl o bob rhan o'r gymuned.
Mae'r cyfle hwn ar gau i ymgeiswyr.