Gweld swydd wag -- Goruchwyliwr Aildrefnu Apwyntiadau Brechu (Dros Dro)

Mewn cydweithrediad â Bwrdd Iechyd Prifysgol Cwm Taf Morgannwg, mae swyddi dros dro ar gael yng Ngwasanaeth Gofal i Gwsmeriaid y Cyngor. Ar gyfer y swyddi pwysig yma, bydd gofyn am weithiwyr sy’n canolbwyntio ar gael canlyniadau da ac sydd wedi ymroi’n llwyr i ddarparu gwasanaeth i gwsmeriaid o’r safon orau sy’n hawdd i’r cyhoedd ei ddefnyddio.

Byddwch chi'n gyfrifol am oruchwylio'r gwasanaeth sy'n bwynt cyswllt cyntaf ar gyfer cwsmeriaid sy'n dymuno aildrefnu apwyntiadau brechu Covid-19 a drefnwyd ymlaen llaw

Rhaid bod gyda chi sgiliau cyfathrebu rhagorol, yn enwedig technegau ffôn.  Rhaid eich bod chi'n gallu defnyddio systemau TG yn effeithiol. Mae profiad o weithio'n rhan o garfan ac ym maes Canolfan Alwadau hefyd yn ddymunol.

Byddwch chi'n unigolyn cadarnhaol, gydag agwedd benderfynol â’r awydd i ddarparu gwasanaeth arbennig ar gyfer cwsmeriaid.

Am ragor o wybodaeth, e-bostiwch  GwasanaethauiGwsmeriaid@rctcbc.gov.uk.

Mae diogelu plant ac oedolion agored i niwed yn gyfrifoldeb craidd pob un o'r gweithwyr sy'n cael eu penodi gan y Cyngor.

Mae'r Cyngor yn cydnabod gwerth amrywiaeth yn ei weithlu. Rydyn ni wedi ymrwymo i sicrhau nad yw unrhyw ymgeisydd yn destun gwahaniaethu yn ystod y broses denu a dethol ar sail ei oedran, rhyw, hil, anabledd, cyfeiriadedd rhywiol, hunaniaeth rhywedd, gan gynnwys y rheiny a chanddyn nhw hunaniaethau anneuaidd, crefydd neu gred, neu feichiogrwydd a mamolaeth. Mae gyda ni nifer o rwydweithiau staff gan gynnwys Rhwydwaith y Cynghreiriaid, Rhwydwaith Anabledd a Chynhalwyr, a 'Perthyn', ein rhwydwaith LHDTQ+.

Fydd ceisiadau sy'n cael eu cyflwyno yn Gymraeg ddim yn cael eu trin yn llai ffafriol na cheisiadau sy'n cael eu cyflwyno yn Saesneg.

Oherwydd y nifer sylweddol o Ffurflenni Cais sy'n cael eu cyflwyno ar hyn o bryd, does dim modd cydnabod ceisiadau unigol. Felly, os na fyddwch chi'n clywed oddi wrthon ni cyn pen pedair wythnos ar ôl y dyddiad cau, cymerwch fod eich cais wedi bod yn aflwyddiannus y tro yma. Diolch am eich diddordeb ac am gyflwyno cais am swydd gyda'r Cyngor. Mae Rhondda Cynon Taf yn croesawu ceisiadau gan bob adran o'r gymuned.