Gweld swydd wag -- Ymarferydd Gofal Plant - Preswyl

Mae cyfle wedi codi i benodi Ymarferydd Gofal Plant Preswyl rhan amser a fydd yn gweithio 18.5 awr yr wythnos yng Nghartref Bryndâr i Blant yn ardal Cwmdâr, Aberdâr.

Bydd yr ymgeisydd llwyddiannus yn ymuno â charfan o 20 aelod o staff sy'n darparu gofal hirdymor i bump o blant sydd ag anghenion cymhleth.

Bydd yr ymgeisydd yn cyflawni'r Fframwaith Sefydlu Cymru Gyfan cyn gweithio tuag at Gymhwyster QCF Lefel 3 mewn Gofal Cymdeithasol.

Mae'r cartref yn cynnig gofal hir dymor i bump o blant rhwng 8 a 18 oed sydd ddim yn gallu byw gyda'u teuluoedd am wahanol resymau.

Mae'r cartref yn gweithredu rota pedair wythnos sy'n cynnwys dau batrwm sifft - 7 am/3pm a 2.30pm/10.30pm. O bryd i'w gilydd, bydd angen ymgymryd â dyletswyddau fydd yn golygu bod angen i chi aros ar y safle dros nos.

Bydd yn ofynnol i'r ymgeisydd llwyddiannus ymgymryd ag ystod o ddyletswyddau i gynorthwyo plant a phobl ifainc i sicrhau deilliannau cadarnhaol. Bydd hyn yn gofyn am ddull sy'n canolbwyntio ar yr unigolyn yn ogystal â dangos lefel uchel o ymroddiad i'r plant sy'n byw yn y cartref.

Am ragor o wybodaeth, mynnwch olwg ar y swydd ddisgrifiad neu ffoniwch Carol Booth, Stephen Macey neu Ryan Phillips ar 01685879577.

Mae diogelu plant ac oedolion agored i niwed yn gyfrifoldeb craidd pob un o'r gweithwyr sy'n cael eu penodi gan y Cyngor.

Yn ogystal â'r cyfrifoldeb yma mewn perthynas â diogelu, bydd y Gwasanaeth Datgelu a Gwahardd hefyd yn ymchwilio'n fanwl i gefndir yr ymgeisydd llwyddiannus.

Mae'r Cyngor yn cydnabod gwerth amrywiaeth yn ei weithlu. Rydyn ni wedi ymrwymo i sicrhau nad yw unrhyw ymgeisydd yn destun gwahaniaethu yn ystod y broses denu a dethol ar sail ei oedran, rhyw, hil, anabledd, cyfeiriadedd rhywiol, hunaniaeth rhywedd, gan gynnwys y rheiny a chanddyn nhw hunaniaethau anneuaidd, crefydd neu gred, neu feichiogrwydd a mamolaeth. Mae gyda ni nifer o rwydweithiau staff gan gynnwys Rhwydwaith y Cynghreiriaid, Rhwydwaith Anabledd a Chynhalwyr, a 'Perthyn', ein rhwydwaith LHDTQ+.

Fydd ceisiadau sy'n cael eu cyflwyno yn Gymraeg ddim yn cael eu trin yn llai ffafriol na cheisiadau sy'n cael eu cyflwyno yn Saesneg.

Oherwydd y nifer sylweddol o Ffurflenni Cais sy'n cael eu cyflwyno ar hyn o bryd, does dim modd cydnabod ceisiadau unigol. Felly, os na fyddwch chi'n clywed oddi wrthon ni cyn pen pedair wythnos ar ôl y dyddiad cau, cymerwch fod eich cais wedi bod yn aflwyddiannus y tro yma. Diolch am eich diddordeb ac am gyflwyno cais am swydd gyda'r Cyngor. Mae Rhondda Cynon Taf yn croesawu ceisiadau gan bob adran o'r gymuned.