Gweld swydd wag -- Cynorthwy-ydd Gweinyddol (Deddf Anghenion Dysgu Ychwanegol a'r Tribiwnlys Addysg)

Gwasanaeth Mynediad a Chynhwysiant  

Dyddiad Cychwyn:  Cyn gynted â phosibl

Mae hon yn swydd dros dro tan 31 Mawrth 2021

Cyfle secondiad

Mae'r Gwasanaeth Mynediad a Chynhwysiant yn chwilio am unigolyn ymroddgar i weithio fel Cynorthwy-ydd Gweinyddol yn rhan o'r Garfan Weinyddu.

Bydd gofyn i'r ymgeisydd llwyddiannus wneud y canlynol:

• Rhoi cymorth gweinyddol effeithiol i gynorthwyo â gwaith gweithredu'r diwygiadau sydd ar ddod ym maes Anghenion Dysgu Ychwanegol (ADY) a'r ddeddfwriaeth newydd.
• Rhoi cymorth i gasglu data i'w ddefnyddio ar gyfer adroddiadau gwasanaeth.

Sicrhewch eich bod chi wedi cael caniatâd gan eich rheolwr llinell i wneud cais am secondiad yma cyn ymgeisio am y swydd.

I gael rhagor o wybodaeth am y swydd hon, mae croeso i chi ffonio Lisa Carter, Cydlynydd Materion Cynhwysiant, neu Helen Williams, Uwch Swyddog Gweinyddu, ar (01443) 744344.

Mae diogelu plant ac oedolion agored i niwed yn gyfrifoldeb craidd pob un o'r gweithwyr sy'n cael eu penodi gan y Cyngor.

Mae'r Cyngor yn cydnabod gwerth amrywiaeth yn ei weithlu. Rydyn ni wedi ymrwymo i sicrhau nad yw unrhyw ymgeisydd yn destun gwahaniaethu yn ystod y broses denu a dethol ar sail ei oedran, rhyw, hil, anabledd, cyfeiriadedd rhywiol, hunaniaeth rhywedd, gan gynnwys y rheiny a chanddyn nhw hunaniaethau anneuaidd, crefydd neu gred, neu feichiogrwydd neu famolaeth. Mae gyda ni nifer o rwydweithiau staff gan gynnwys Rhwydwaith y Cynghreiriaid, Rhwydwaith Anabledd a Chynhalwyr, a 'Perthyn', ein rhwydwaith LHDTQ+.

Fydd ceisiadau sy'n cael eu cyflwyno yn Gymraeg ddim yn cael eu trin yn llai ffafriol na cheisiadau sy'n cael eu cyflwyno yn Saesneg.

Oherwydd y nifer sylweddol o Ffurflenni Cais sy'n cael eu cyflwyno ar hyn o bryd, does dim modd cydnabod ceisiadau unigol. Felly, os na fyddwch chi'n clywed oddi wrthon ni cyn pen pedair wythnos ar ôl y dyddiad cau, cymerwch fod eich cais wedi bod yn aflwyddiannus y tro yma. Diolch am eich diddordeb ac am gyflwyno cais am swydd gyda'r Cyngor. Mae Rhondda Cynon Taf yn croesawu ceisiadau gan bob rhan o'r gymuned.