Gweld swydd wag -- Cynorthwy-ydd Busnes Datblygu Gofal Plant

Rydyn ni'n chwilio am Gynorthwy-ydd Datblygu Busnes Gofal Plant i ymuno â'n Carfan Gofal Plant ni. Bydd deiliad y swydd yn cyfrannu at ddyletswydd statudol y Cyngor o ran sicrhau bod digon o ofal plant ar gael i rieni sy'n gweithio, yn derbyn hyfforddiant neu yn y byd addysg.

O'ch penodi, byddwch chi'n cynnig cyngor ac arweiniad i leoliadau ar gofrestru, polisïau a gweithdrefnau AGC a chynllunio busnes. Byddwch chi'n cefnogi'r broses gynllunio a darparu achlysuron hyfforddi, DPP ac ymrwymiadau ar gyfer y sector gofal plant yn RhCT, trwy achlysuron wyneb yn wyneb ac ar lwyfannau ar-lein. Byddwch chi'n cyfrannu at ddatblygiad Asesiad Digonolrwydd Gofal Plant y Cyngor ac yn chwarae rôl allweddol wrth hyrwyddo Cynnig Gofal Plant Cymru, gan gynnwys cefnogi darparwyr gofal plant i gyflawni'r cynllun.

Bydd gyda chi wybodaeth a phrofiad helaeth o'r sector gofal plant a rheoliadau'r AGC, ynghyd â gwybodaeth a chyngor mewn perthynas â chynnig cyngor a chefnogaeth i sefydliadau gofal plant i wella eu harferion busnes. Bydd gennych chi brofiad o weithio mewn partneriaeth ag ystod eang o randdeiliaid, megis sefydliadau cysylltiedig â gofal plant, darparwyr gofal plant, rhieni a phersonél yr Awdurdod Lleol.

Byddwch chi'n llawn cymhelliant ac yn rhagweithiol ac yn gallu gweithio ar eich liwt eich hun. Byddwch chi'n gallu blaenoriaethu'ch llwyth gwaith i ateb gofynion a therfynau amser newidiol.

Byddwch chi'n gweithio 35 awr yr wythnos yn unol â chynllun oriau hyblyg y Cyngor.  Mae'r swydd yn swyddfeydd Tŷ Trevithick, Abercynon ond oherwydd y cyfyngiadau cyfredol mae staff y cyngor yn gweithio gartref yn bennaf ar hyn o bryd. Bydd hyn yn cael ei adolygu yn ôl yr angen. Mae'r swydd wedi'i hariannu'n allanol a bydd yn swydd rhan amser fydd yn para tan 30 Mawrth 2021 yn yr achos gyntaf, gyda'r posibilrwydd o'i hymestyn ar ôl y dyddiad yma.

Am ragor o wybodaeth, ffoniwch Sian Wood ar 07393 759217.

Mae diogelu plant ac oedolion agored i niwed yn gyfrifoldeb craidd pob un o'r gweithwyr sy'n cael eu penodi gan y Cyngor.

Yn ogystal â'r cyfrifoldeb yma mewn perthynas â diogelu, bydd y Gwasanaeth Datgelu a Gwahardd hefyd yn ymchwilio'n fanwl i gefndir yr ymgeisydd llwyddiannus.

Mae'r Cyngor yn cydnabod gwerth amrywiaeth yn ei weithlu. Rydyn ni wedi ymrwymo i sicrhau nad yw unrhyw ymgeisydd yn destun gwahaniaethu yn ystod y broses denu a dethol ar sail ei oedran, rhyw, hil, anabledd, cyfeiriadedd rhywiol, hunaniaeth rhywedd, gan gynnwys y rheiny a chanddyn nhw hunaniaethau anneuaidd, crefydd neu gred, neu feichiogrwydd a mamolaeth. Mae gyda ni nifer o rwydweithiau staff gan gynnwys Rhwydwaith y Cynghreiriaid, Rhwydwaith Anabledd a Chynhalwyr, a 'Perthyn', ein rhwydwaith LHDTQ+.

Fydd ceisiadau sy'n cael eu cyflwyno yn Gymraeg ddim yn cael eu trin yn llai ffafriol na cheisiadau sy'n cael eu cyflwyno yn Saesneg.

Oherwydd y nifer sylweddol o Ffurflenni Cais sy'n cael eu cyflwyno ar hyn o bryd, does dim modd cydnabod ceisiadau unigol. Felly, os na fyddwch chi'n clywed oddi wrthon ni cyn pen pedair wythnos ar ôl y dyddiad cau, cymerwch fod eich cais wedi bod yn aflwyddiannus y tro yma. Diolch am eich diddordeb ac am gyflwyno cais am swydd gyda'r Cyngor. Mae Rhondda Cynon Taf yn croesawu ceisiadau gan bob adran o'r gymuned.