Gweld swydd wag -- Cydlynydd Rhyddhau Cleifion – Gofal Cymdeithasol ac Iechyd

Mae Cyngor Bwrdeistref Sirol Rhondda Cynon Taf, mewn partneriaeth â CBS Merthyr Tudful a Bwrdd Iechyd Prifysgol Cwm Taf, yn chwilio am Gydlynydd Rhyddhau Cleifion - Gofal Cymdeithasol ac Iechyd. Rydyn ni'n chwilio am unigolyn i fod yn bwynt cyswllt â sefydliadau gofal sylfaenol, gofal eilaidd, gofal cymdeithasol, gofal yn y gymuned a'r trydydd sector.

Bydd y rôl yn cynnig pwynt cyswllt rhwng y gwasanaethau gofal cymdeithasol a'r ysbyty er mwyn hwyluso'r broses o ryddhau pobl o’r ysbyty o leoliadau acíwt a chymunedol. Bydd y swydd yn golygu bod un man cyswllt ar gyfer staff gofal iechyd mewn ysbytai i gynorthwyo gwasanaethau cydgysylltiedig er mwyn galluogi pobl i adael yr ysbyty mewn modd cyflym ac effeithlon.

Mae'r rôl yn hanfodol wrth ryddhau unigolion o'r Ysbyty, gan sicrhau trosglwyddiadau amserol a chydlynol i'r Gwasanaethau yn y Gymuned a Gofal Cymdeithasol.

Bydd gyda chi brofiad o weithio naill ai mewn lleoliad gofal iechyd neu mewn lleoliad gofal cymdeithasol. Yn ogystal â hynny bydd gyda chi wybodaeth gadarn am ddeddfau perthnasol ym meysydd iechyd a gofal cymdeithasol, a'r materion sy'n effeithio ar ryddhau cleifion.

Bydd y swydd wedi'i lleoli yn Ysbyty Brenhinol Morgannwg, 28 awr yr wythnos o ddydd Llun i ddydd Gwener.

Am ragor o wybodaeth ynglŷn â'r swydd yma, ffoniwch Leanne Traylor - Rheolwr Un Pwynt Mynediad ar (01443) 444646.

Mae diogelu plant ac oedolion agored i niwed yn gyfrifoldeb craidd pob un o'r gweithwyr sy'n cael eu penodi gan y Cyngor.

Yn ogystal â'r cyfrifoldeb yma mewn perthynas â diogelu, bydd y Gwasanaeth Datgelu a Gwahardd hefyd yn ymchwilio'n fanwl i gefndir yr ymgeisydd llwyddiannus.

Mae'r Cyngor yn cydnabod gwerth amrywiaeth yn ei weithlu. Rydyn ni wedi ymrwymo i sicrhau nad yw unrhyw ymgeisydd yn destun gwahaniaethu yn ystod y broses denu a dethol ar sail ei oedran, rhyw, hil, anabledd, cyfeiriadedd rhywiol, hunaniaeth rhywedd, gan gynnwys y rheiny a chanddyn nhw hunaniaethau anneuaidd, crefydd neu gred, neu feichiogrwydd a mamolaeth. Mae gyda ni nifer o rwydweithiau staff gan gynnwys Rhwydwaith y Cynghreiriaid, Rhwydwaith Anabledd a Chynhalwyr, a 'Perthyn', ein rhwydwaith LHDTQ+.

Fydd ceisiadau sy'n cael eu cyflwyno yn Gymraeg ddim yn cael eu trin yn llai ffafriol na cheisiadau sy'n cael eu cyflwyno yn Saesneg.

Oherwydd y nifer sylweddol o Ffurflenni Cais sy'n cael eu cyflwyno ar hyn o bryd, does dim modd cydnabod ceisiadau unigol. Felly, os na fyddwch chi'n clywed oddi wrthon ni cyn pen pedair wythnos ar ôl y dyddiad cau, cymerwch fod eich cais wedi bod yn aflwyddiannus y tro yma. Diolch am eich diddordeb ac am gyflwyno cais am swydd gyda'r Cyngor. Mae Rhondda Cynon Taf yn croesawu ceisiadau gan bob adran o'r gymuned.