Gweld swydd wag -- Mecanig Moduron

Traffig, Priffyrdd a Diogelwch ar y Ffyrdd
Ffyniant, Datblygu a Gwasanaethau Rheng Flaen
Priffyrdd a Gofal y Strydoedd
Gradd 8
£27,041
Amser Llawn Parhaol

Gofal y Strydoedd – Gwasanaethau Cerbydau

Mae Gwasanaethau Cerbydau'r Cyngor yn gyfrifol am gynnal a chadw tua 400 o gerbydau'r Cyngor. Maen nhw'n amrywio o faniau bychain i lorïau sbwriel 26 tunnell. Mae'r Gwasanaeth yn gofalu bod pob cerbyd yn cael ei gynnal a'i gadw yn unol â rheoliadau VOSA a'i fod yn addas ar gyfer darparu amryw wasanaethau'r Cyngor.

Rhaid i chi fod yn dechnegydd cerbydau cymwysedig, neu fod wedi bwrw prentisiaeth. Rhaid i chi feddu ar sgiliau arwain a threfnu rhagorol. Bydd raid i chi ymgymryd â hyfforddiant pan fo angen i sicrhau bod y gwasanaeth yn cael ei gyflawni.

Byddwch chi'n gweithio yn unol â gweithdrefnau'r Cyngor a Rheolwyr. Byddwch chi hefyd yn gofalu bod unrhyw waith cynnal a chadw a chyweirio yn cael ei gwblhau mewn da bryd a bod y gwaith papur yn cael ei gwblhau yn gywir.

Dyma swydd 37 awr yr wythnos yn seiliedig ar ddwy sifft:

Wythnos 1:     06:00 - 14:00 Dydd Llun i Ddydd Iau

                  06:00 - 13:30 Dydd Gwener

Wythnos 2:     13:30 - 21:30 Dydd Llun i Ddydd Iau

                  11:30 - 19:00 Dydd Gwener

I gael rhagor o wybodaeth am y swydd, ffoniwch Peter Davies, Rheolwr Gweithdy/Contractau Cerbydau'r Cyngor ar (01443) 827353.

Mae diogelu plant ac oedolion agored i niwed yn gyfrifoldeb craidd pob un o'r gweithwyr sy'n cael eu penodi gan y Cyngor.

Mae'r Cyngor yn cydnabod gwerth amrywiaeth yn ei weithlu. Rydyn ni wedi ymrwymo i sicrhau nad yw unrhyw ymgeisydd yn destun gwahaniaethu yn ystod y broses denu a dethol ar sail ei oedran, rhyw, hil, anabledd, cyfeiriadedd rhywiol, hunaniaeth rhywedd, gan gynnwys y rheiny a chanddyn nhw hunaniaethau anneuaidd, crefydd neu gred, neu feichiogrwydd a mamolaeth. Mae gyda ni nifer o rwydweithiau staff gan gynnwys Rhwydwaith y Cynghreiriaid, Rhwydwaith Anabledd a Chynhalwyr, a 'Perthyn', ein rhwydwaith LHDTQ+.

Fydd ceisiadau sy'n cael eu cyflwyno yn Gymraeg ddim yn cael eu trin yn llai ffafriol na cheisiadau sy'n cael eu cyflwyno yn Saesneg.


Oherwydd y nifer sylweddol o Ffurflenni Cais sy'n cael eu cyflwyno ar hyn o bryd, does dim modd cydnabod ceisiadau unigol. Felly, os na fyddwch chi'n clywed oddi wrthon ni cyn pen pedair wythnos ar ôl y dyddiad cau, cymerwch fod eich cais wedi bod yn aflwyddiannus y tro yma. Diolch am eich diddordeb ac am gyflwyno cais am swydd gyda'r Cyngor. Mae Rhondda Cynon Taf yn croesawu ceisiadau o bob rhan o'r gymdeithas.

37
Ty Glantaf
Unit B23, Taff Falls Road
Treforest Industrial Estate
CF37 5TT
12 Tachwedd 2020
I gwblhau cais yn y Gymraeg, gwnewch yn siwr eich bod yn pwyso 'Gwneud cais' isod ar y dudalen hon (yn hytach na phwyso 'Apply' ar y dudalen Saesneg).

Mae'r cyfle hwn ar gau i ymgeiswyr.