Gweld swydd wag -- Cynorthwy-ydd Llyfrgell - Llyfrgell Pont-y-clun

Llyfrgelloedd / Amgueddfeydd / Archifau
Gwasanaethau Cymunedol i Blant
Gwasanaethau Iechyd a Diogelwch y Cyhoedd, a'r Gymuned
Gradd 4
£21,575 pro rata
Rhan-amser Parhaol

Mae gwasanaeth y llyfrgelloedd yn chwilio am aelod brwd o staff i lenwi swydd cynorthwy-ydd llyfrgell ar sail 13 awr yr wythnos. Mae'r swydd wedi'i lleoli yn llyfrgell Pont-y-clun. Mae'r swydd yma'n un beripatetig a bydd gofyn i'r ymgeisydd llwyddiannus weithio mewn unrhyw lyfrgell RhCT ar fyr rybudd.

Yn rhan o'r swydd, bydd yr ymgeisydd llwyddiannus yn cynorthwyo gyda threfnau rheoli'r llyfrgell gangen o ddydd i ddydd. Bydd gofyn ichi gynorthwyo mewn gwasanaethau ac achlysuron arbennig i hyrwyddo defnydd o'r llyfrgell gangen a gwaith cysylltiedig yn ôl y gofyn.

Am ragor o wybodaeth ffoniwch Richard Reed ar (01443) 778950.

Mae diogelu plant ac oedolion agored i niwed yn gyfrifoldeb craidd i bob un o'r gweithwyr sy'n cael eu penodi gan y Cyngor.

Yn ogystal â'r cyfrifoldeb yma mewn perthynas â diogelu, bydd y Gwasanaeth Datgelu a Gwahardd hefyd yn ymchwilio'n fanwl i gefndir yr ymgeisydd llwyddiannus.

Mae'r Cyngor yn cydnabod gwerth amrywiaeth yn y gweithlu. Rydyn ni wedi ymrwymo i sicrhau nad yw unrhyw ymgeisydd yn destun gwahaniaethu yn ystod y broses denu a dethol ar sail ei oedran, rhyw, hil, anabledd, cyfeiriadedd rhywiol, hunaniaeth rhywedd, gan gynnwys y rheiny a chanddyn nhw hunaniaeth anneuaidd, crefydd neu gred neu feichiogrwydd neu famolaeth. Mae gyda ni nifer o rwydweithiau staff gan gynnwys Rhwydwaith y Cynghreiriaid, Rhwydwaith Anabledd a Chynhalwyr, a 'Perthyn', ein rhwydwaith LHDTC+.

Fydd ceisiadau sy'n cael eu cyflwyno yn Gymraeg ddim yn cael eu trin yn llai ffafriol na cheisiadau sy'n cael eu cyflwyno yn Saesneg.

Oherwydd y nifer sylweddol o Ffurflenni Cais sy'n cael eu cyflwyno ar hyn o bryd, does dim modd cydnabod ceisiadau unigol. Felly, os dydych chi ddim wedi clywed wrthon ni cyn pen pedair wythnos o'r dyddiad cau, cymerwch fod eich cais wedi bod yn aflwyddiannus y tro yma. Diolch am eich diddordeb ac am gyflwyno cais am swydd gyda'r Cyngor.

Er mwyn cefnogi addewid gwirfoddol y Cyngor i gefnogi'r Lluoedd Arfog, rhaid i’r sawl sy'n penodi sicrhau bod ymgeiswyr sydd wedi datgan eu bod nhw'n aelodau o’r Lluoedd Arfog, gan gynnwys y rheiny sydd wedi gadael y lluoedd, cyn-filwyr neu filwyr wrth gefn ac sy’n cwrdd â'r meini prawf hanfodol yn y fanyleb person, yn cael cynnig cyfweliad.

13
Pontyclun Library
Heol-Y-Felin
Pontyclun
CF72 9BE
23 Chwefror 2023
I gwblhau cais yn y Gymraeg, gwnewch yn siwr eich bod yn pwyso 'Gwneud cais' isod ar y dudalen hon (yn hytach na phwyso 'Apply' ar y dudalen Saesneg).

Mae'r cyfle hwn ar gau i ymgeiswyr.