Gweld swydd wag -- Peiriannydd Goleuadau Stryd
Rydyn ni am benodi Peiriannydd a fydd yn ymuno â'r garfan Goleuadau Stryd a Signalau Traffig brysur yn rhan o Adran Rheoli Asedau Isadeiledd, Uwchadran y Priffyrdd a Gwasanaethau Gofal y Strydoedd.
Bydd gofyn i'r ymgeisydd llwyddiannus helpu i ddarparu Gwasanaeth Isadeiledd y Priffyrdd o safon uchel. Bydd dyletswyddau a phrif swyddogaethau'r swydd yn cynnwys;
- Bod yn gyfrifol am gynnal a rheoli asedau goleuadau stryd sy'n eiddo i'r Cyngor o ddydd i ddydd.
- Cyfrannu at reoli a monitro cyllidebau goleuadau stryd.
- Cyfrannu at waith datblygu, cydlynu a gweithredu rhaglenni goleuadau stryd.
- Sicrhau bod cwynion, ymholiadau a cheisiadau am wasanaeth yn cael eu hymateb iddyn nhw yn effeithiol ac yn effeithlon.
- Sicrhau bod prosiectau yn cael eu cyflawni yn unol ag amser, cyllideb a gofynion y prosiect, yn ogystal â rheoli cynnydd prosiectau drwy bob cam rhagarweiniol, cynllunio ac adeiladu yn llwyddiannus.
Mae meddu ar gymhwyster peirianneg perthnasol (neu dystiolaeth o weithio tuag at un), e.e. Tystysgrif Genedlaethol Uwch, yn hanfodol.
Mae meddu ar wybodaeth am isadeiledd y priffyrdd a phroblemau goleuadau stryd yn hanfodol.
Mae meddu ar wybodaeth TGCh yn hanfodol.
Bydd yr ymgeisydd llwyddiannus yn gweithio yn unol â pholisi gweithio hybrid ac yn rhannu amser rhwng gweithio gartref a gweithio yn y swyddfa. Bydd gofyn i'r ymgeisydd llwyddiannus feddu ar drwydded yrru ddilys er mwyn gyrru ledled yr awdurdod i ymchwilio i ddiffygion a chwynion a mynd i gyfarfodydd.
Oriau'r contract fydd 37 awr.
Am ragor o wybodaeth ar gyfer y swydd yma, cysylltwch ag Andrew Phipps, Rheolwr Goleuadau Stryd a Signalau Traffig drwy ffonio 07385 406150.
Mae diogelu plant ac oedolion agored i niwed yn gyfrifoldeb craidd pob un o'r gweithwyr sy'n cael eu penodi gan y Cyngor.
Mae'r Cyngor yn cydnabod gwerth amrywiaeth yn y gweithlu. Rydyn ni wedi ymrwymo i sicrhau nad yw unrhyw ymgeisydd yn destun gwahaniaethu yn ystod y broses denu a dethol ar sail ei oedran, rhyw, hil, anabledd, cyfeiriadedd rhywiol, hunaniaeth rhywedd, gan gynnwys y rheiny a chanddyn nhw hunaniaeth anneuaidd, crefydd neu gred neu feichiogrwydd neu famolaeth. Mae gyda ni nifer o rwydweithiau staff gan gynnwys Rhwydwaith y Cynghreiriaid, Rhwydwaith Anabledd a Chynhalwyr, a 'Perthyn', ein rhwydwaith LHDTC+.
Fydd ceisiadau sy'n cael eu cyflwyno yn Gymraeg ddim yn cael eu trin yn llai ffafriol na cheisiadau sy'n cael eu cyflwyno yn Saesneg.
Oherwydd y nifer sylweddol o Ffurflenni Cais sy'n cael eu cyflwyno ar hyn o bryd, does dim modd cydnabod ceisiadau unigol. Felly, os na fyddwch chi wedi clywed oddi wrthon ni cyn pen pedair wythnos ar ôl y dyddiad cau, cymerwch fod eich cais wedi bod yn aflwyddiannus y tro yma. Diolch am eich diddordeb ac am gyflwyno cais am swydd gyda'r Cyngor.
Er mwyn cefnogi addewid gwirfoddol y Cyngor i gefnogi'r Lluoedd Arfog, rhaid i’r sawl sy'n penodi sicrhau bod ymgeiswyr sydd wedi datgan eu bod nhw'n aelodau o’r Lluoedd Arfog, gan gynnwys y rheiny sydd wedi gadael y lluoedd, cyn-filwyr, milwyr wrth gefn, neu'u gwŷr/gwragedd sy’n cwrdd â'r meini prawf hanfodol yn y fanyleb person, yn cael cynnig cyfweliad.
Mae'r cyfle hwn ar gau i ymgeiswyr.