Gweld swydd wag -- Hwylusydd Dysgu Ymarfer

Arall
Gwasanaethau Cymunedol i Blant
Trawsnewid
Gradd 11
£38,296 pro rata
Rhan-amser dros dro

Rydyn ni'n chwilio am rywun i weithio'n rhan amser (caiff y swydd ei hadolygu bob blwyddyn ar 31 Mawrth) yng Ngwasanaeth Datblygu Gweithlu Gofal Cymdeithasol Cwm Taf hynod lwyddiannus. O'ch penodi i'r swydd, byddwch chi'n ymuno â staff bywiog ar adeg gyffrous, wrth i ni barhau i ddiwallu anghenion ein gweithlu gofal cymdeithasol ar draws y sector statudol, gwirfoddol ac annibynnol.

Ar hyn o bryd mae gyda ni swydd wag ar gyfer Hwylusydd Dysgu Ymarfer. Dyma brif ddyletswyddau'r swydd:

  • Hwyluso dysg a datblygiad myfyrwyr sy'n astudio am radd ac MA mewn Gwaith Cymdeithasol trwy ddarparu:
  1. Asesiad Ymarfer Pellter
  2. Goruchwyliaeth a mentora
  3. Gwaith hwyluso dysgu a datblygu mewn grŵp
  • Hwyluso grwpiau cymorth a datblygu ar gyfer Aseswyr Ymarfer a myfyrwyr
  • Darparu asesiad o'r unigolion sy'n astudio am gymwysterau Asesu Ymarfer
  • Cynorthwyo a datblygu cyfleoedd Dysgu Ymarfer presennol a newydd
  • Hwyluso'r broses o sefydlu myfyrwyr Lefel 1

Yn ogystal â hyn, bydd disgwyl i chi weithio ochr yn ochr â'r Rheolwr Dysgu Ymarfer er mwyn rheoli a chydlynu'r swyddogaeth Dysgu Ymarfer ar draws y sector Gwaith Cymdeithasol a Gofal Cymdeithasol yn Rhondda Cynon Taf. Bydd disgwyl i chi weithio gyda chydweithwyr o'r Brifysgol a chynrychioli Rhondda Cynon Taf ar wahanol bwyllgorau rhaglenni Gwaith Cymdeithasol lleol a rhanbarthol. Bydd disgwyl ichi hefyd hyrwyddo dysgu ymarfer i sefydliadau, carfanau, prosiectau, grwpiau ac unigolion, gan eu cynorthwyo i ymgysylltu'n llawn â'r swyddogaeth Dysgu Ymarfer. Bydd hefyd ddisgwyl i chi fod â'r wybodaeth ddiweddaraf yn ymwneud â datblygiadau cyfredol mewn hyfforddiant cymwys, a chymryd cyfrifoldeb dros eich dysg eich hun yn unol â swyddogaethau a chyfrifoldebau'r swydd.

Mae hyn yn gyfnod diddorol ar gyfer y swydd yma. Gyda'r proffesiwn Gwaith Cymdeithasol o dan bwysau enfawr o bob cyfeiriad, mae Cyngor RhCT wedi ymrwymo i hyfforddi ein staff ein hunain ac yn cynyddu'r cyfleoedd i staff mewnol fanteisio ar radd Gwaith Cymdeithasol. Mae'n rôl hollbwysig, sy'n annog datblygiad safonau ymarfer uchel ymhlith eraill. Mae hyn yn hanfodol wrth weithio gyda phobl sy'n agored i niwed. Felly, mae angen ichi fod yn frwdfrydig dros y swydd yma, a fydd yn gadarnhaol ac yn greadigol, gan ddod â syniadau gwahanol ynglŷn â sut i symud pethau yn eu blaenau.

Rhaid i'r ymgeisydd llwyddiannus fod yn Weithiwr Cymdeithasol cymwys gydag o leiaf dair blynedd o brofiad ôl-gymhwyso. Rhaid bod yr ymgeisydd llwyddiannus hefyd yn meddu ar gymhwyster Addysgu Ymarfer, gyda phrofiad uniongyrchol o ddarparu asesiadau ymarfer o fyfyrwyr Gwaith Cymdeithasol o fewn y pum mlynedd ddiwethaf.

Am ragor o wybodaeth, ffoniwch Lindsey Haggar ar 07769164636 neu Kath McMullen ar (01443) 281444.

Mae diogelu plant ac oedolion agored i niwed yn gyfrifoldeb craidd i bob un o'r gweithwyr sy'n cael eu penodi gan y Cyngor.

Yn ogystal â'r cyfrifoldeb yma mewn perthynas â diogelu, bydd y Gwasanaeth Datgelu a Gwahardd hefyd yn ymchwilio'n fanwl i gefndir yr ymgeisydd llwyddiannus.

Mae'r Cyngor yn cydnabod gwerth amrywiaeth yn ei weithlu. Rydyn ni wedi ymrwymo i sicrhau nad yw unrhyw ymgeisydd yn destun gwahaniaethu yn ystod y broses denu a dethol ar sail ei oedran, rhyw, hil, anabledd, cyfeiriadedd rhywiol, hunaniaeth rhywedd, gan gynnwys y rheiny a chanddyn nhw hunaniaeth anneuaidd, crefydd neu gred neu feichiogrwydd neu famolaeth. Mae gyda ni nifer o rwydweithiau staff gan gynnwys Rhwydwaith y Cynghreiriaid, Rhwydwaith Anabledd a Chynhalwyr, a 'Perthyn', ein rhwydwaith LHDTC+.

Fydd ceisiadau sy'n cael eu cyflwyno yn Gymraeg ddim yn cael eu trin yn llai ffafriol na cheisiadau sy'n cael eu cyflwyno yn Saesneg.

Oherwydd y nifer sylweddol o Ffurflenni Cais sy'n cael eu cyflwyno ar hyn o bryd, does dim modd cydnabod ceisiadau unigol. Felly, os dydych chi ddim wedi clywed wrthon ni cyn pen pedair wythnos o'r dyddiad cau, cymerwch fod eich cais wedi bod yn aflwyddiannus y tro yma. Diolch am eich diddordeb ac am gyflwyno cais am swydd gyda'r Cyngor.

Er mwyn cefnogi addewid gwirfoddol y Cyngor i gefnogi'r Lluoedd Arfog, rhaid i’r sawl sy'n penodi sicrhau bod ymgeiswyr sydd wedi datgan eu bod nhw'n aelodau o’r Lluoedd Arfog, gan gynnwys y rheiny sydd wedi gadael y lluoedd, cyn-filwyr neu filwyr wrth gefn ac sy’n cwrdd â'r meini prawf hanfodol yn y fanyleb person, yn cael cynnig cyfweliad.

22.12
Rock Grounds Offices
High Street
Aberdare
CF44 7AE
7 Mawrth 2023
I gwblhau cais yn y Gymraeg, gwnewch yn siwr eich bod yn pwyso 'Gwneud cais' isod ar y dudalen hon (yn hytach na phwyso 'Apply' ar y dudalen Saesneg).

Mae'r cyfle hwn ar gau i ymgeiswyr.